Luziano Mitxelena lesakarra Euskal Herriko txapeldun Master60 kategorian

Erabiltzailearen aurpegia Bidasoa Ciclismo Txirrindulari 2015ko api. 20a, 13:45
Luziano Mitxelena ezkerretik hasita lehena, Arbizuko podiumean.

Azken lau urteetan master 60 mailako hirugarren (2012, 2014 eta 2015) Euskal Herriko txapelketa lortu du Transbidasoa-Euromaster taldeko Luziano Mitxelena lesakarrak. Karrera nahasia izan arren eta faborito izanda txapela etxerat ekartzea erdietsi zuen. Ibon Urtiaga 12. izan zen helmugan eta Ion Zeberio 34. eta Txutxin Fernandez 55. helmugarartu ziren.

Apirilaren 19an jokatu zen Arbizun master mailako Euskal Herriko txapelketa, bertan banatu ziren master 30, master40, master50 eta master60 mailako txapelak. Transbidasoa-Euromaster taldeak bost txirrindulari aurkeztu zituen irteeran eta master60 mailako txapela eskuratu zuen Luziano Mitxelenari esker.

Taldeak ihesaldiak bilatzen saiatu zen hasieratik eta bukaerarako Ion Zeberio gorde zuten frogaren akabera gogorra probesteko intentzioz. Hala ere Goerna taldeak lasterketa bere modura bideratu zuen eta 35 laguneko ihesaldia sortu zen lehen kilometroetan, taldeko Ibon Urtiaga sartu ze bertan. Ihesaldiak errez gainditu zuen bost minutuko abantaila eta zortzi minututik gorako tartea izan zuen; ondorioz lasterketa aurrekoen artean lehiatu zen. 

Ibon oso ausart ibili zen goiz guztian zehar eta bere aukerak urrutitik bilatzen saiatu zen, baina azkenean 12. postuan helmugarratu zen; David Garcia irabazlearengandik minutu ingurura. Pelotoneko lehen taldetxoan sartu zen Ion Zeberio 34. postuan eta bertze taldetxo batean Txutxin Fernandez 55. Gerardo Telletxeak ezin izan zuen lasterketa akitu. Aitor Apeztegia sunbildarra, Iñaki Villoria iruritarra, Manolo Ganboa elgorriagatarra eta Meoki elizondotarra tropel nagusia zenaren taldetxo ezberdinetan helmugaratu ziren. 

Transbidasoa-Euromaster taldeak lortutako podium honek denboraldi hasiera txukun bat sendotzeko balio du. Luziano berarentzat master60 mailako denboraldiko 8. garaipena da, horri Ion Zeberiok master30 mailan lortutako podiumak ere gehitu behar zaizkio; bertzeak bertze larunbat honetan Artziniegan lortutako edota aurreko asteburuan Monzonen. Hurrengo erronka Oliten ospatuko den Nafarroako txapelketa izanen da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun