Fantasia imajinarioaren mundua da, errealitatetik at dagoena. Geure buru barnean existitzen den mundu paraleloa, alegia. Mundua arrapaladan jaurtitzen zaigu gainera eta guk jasotako hori txukundu egiten dugu, norberaren abileziaren arabera antolatu. Batzuetan, norberak erabakitzen du jasotako hori proportzio eta puska ezberdinetan aparteko biltegietan gordetzea: errealitatearenean edo fantasiarenean. Batzuetan, norberak erabakitzen du fantasiari jaten ematea, eta margotzea. Batzuetan puztukiak bailiran puztu egiten ditugu, eta zerurantz askatu. Batzuetan errealitatearekin bat egiten dutenean, lehertu egiten dira eta buru gainera jaurtitzen zaizkigu. Batzuetan nahita egiten dugu. Batzuetan ez. Eta zein polita den nahita egiten dugunean, eta zein arriskutsua hala ez denean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun