Oraindik asko falta zaigu puntu horretara iristeko, baina gaur egun eskura daukagun adimen artifiziala oso aurreratua da duela urte gutxi geneukanarekin alderatuta. Une polita da adimen hori gure mesedetan erabiltzeko. Zer esanik ez izurrite honek bete-betean harrapatu gaituenean.
Ikertzaileak bete-betean dabiltza birusari aurre egiten lagunduko diguten sistema eta aplikazioak lortu nahian. Erresuma Batuko ospitale batzuetan, adibidez, biriketako erradiografiak automatikoki aztertzen dituen sistema bat erabiltzen hasiak dira. Garatzaileen arabera, sare neuronaletan oinarritutako adimen artifizial horrek, aztertutako kasuen % 90 baino gehiagotan asmatu omen du birikak sano dauden edo ez. Gaixoaren sintomak eta historia klinikoa jakinda, COVID-19a daukan edo ez iragartzen saiatzen diren sistemak ere dagoeneko hainbat herrialdetan erabiltzen ari dira. Noski, horrelako sistemen iragarpenak gizaki profesional batek aztertu behar ditu edozein erabaki hartu aurretik, baina diagnostiko azkarrak egiten laguntzeko egokiak izan daitezke.
Neurriak aurretik hartzea beti hobea denez, badago beste ikerkuntza lerro bat izurriteak iritsi aurretik iragartzea helburu duena, ospitaletako datuak, hegaldien fluxuak eta abar kontuan hartuz. Orain arte nahiko itzalean egon bada ere, pentsatzekoa da hemendik aurrera inbertsio handiagoak eginen direla horrelako ikerkuntzetan.
Edozein kasutan, espero dezagun Hawkingen iragarpenak ez betetzea, eta adimen artifiziala bidelagun izatea beste edozein mehatxuren aurrean ere.
Adimen artifiziala eta izurriteak
2020ko mai. 30a, 13:00
Stephen Hawking fisikari ezagunak, hil aurretik, kezka azaldu zuen adimen artifizialaren etorkizunaren inguruan. Beldur zen hurrengo ehun bat urtetan adimen artifiziala gizakiaren adimenaren parera iritsiko ote den, puntu horretatik aurrera adimen artifizial horrek berak hobetuko bailuke bere burua, gizakiaren laguntzarik gabe. Izan ere, gizakia eboluzio biologikoaren erritmo motelera mugatuta dago, eta ezin izanen luke, zentzu horretan, makinekin lehiatu. Garai hori iritsiko balitz, Hawkingek dio gizakiaren amaiera izan litekeela.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun