Denoi gertatu zaigu, umetatik tresna jakin batzuk erabiltzera ohitu gara, eta behin trikimailu guztiak ikasi ditugula iruditzen zaigunean, kosta egiten zaigu aldatzea. Baina benetan izan al dugu aukerarik zein tresna erabili nahi izan ditugun erabakitzeko? Aipatu dudan konpainiak, esaterako, musu-truk banatzen ditu bere produktuak eskoletan, behin ikasle izateari utzitakoan beren produktuen truke izugarrizko dirutzak ordainaraziz. Era berean, behartu egiten gaituzte ordenagailu berriekin batera Windows-en lizentzia erostera, hortik kanpo dagoen guztia ezagutzea oztopatuz. Horrela, egin digutenaz jabetzen garenerako, haiekiko daukagun menpekotasuna erabatekoa da.
Baina zorionez, badago horri aurre egiten dion eta oso zabalduta dagoen mugimendu bat. Software libreaz ari naiz, konpainiek ordenagailuen bitartez gu kontrolatu ordez, guk programen bitartez ordenagailuak kontrolatzea helburu duena. Tresna gardenak dira, kodea ere publiko jartzen baita edonork ikusi edo bere beharretara egokitu dezan. Eta hori guztia dohainik.
Hala ere, hain barneratuta dauzkagun arazoei aurre egiteko ezinbestekoa da epe luzera jokatzea. Horregatik iruditzen zait hain garrantzitsua eskoletan arreta berezia jartzea, eta hausnartzea ea benetan bide onetik ote goazen gure haurrak teknologia jabedunaren menpeko egitera eramanez.
Izan drogarekiko edo izan beste pertsona batetiko, menpeko izateak aske ez izatera eramaten gaitu. Gainera, norbera nekez ohartu ohi da zerbaiten menpeko dela, gertuko norbait horretaz jabetu eta ikusarazten dion arte. Baina zer gertatzen da gertukoak ere menpekotasun horren jabe direnean?
Teknologiaren gorakadarekin batera, beldur naiz ez ote garen horrelako egoera batean erori. Eta ez naiz teknologiarekiko orokorrean daukagun menpekotasunaz ari, nahiz eta horrek ere askorako emango lukeen. Teknologia jabedunarekiko daukagun dependentziaz ari naiz. Nork ez du ordenagailuz idazteko Microsoft konpainiaren Office tresna erabiltzen, edo bere ordenagailuan konpainia berberaren Windows sistema erabiltzen?
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun