Ur berotan gozatu ederra hartzen da eta garbitu ez ezik, ongi sentiarazten gaitu dutxak. Gainera, dutxatzeko oraindik ez da ordenagailurik piztu behar eta gauza askotarako ez bezala, ez digute pin, edo pasahitzik eskatzen.
Joan den astean berogailua hondatu zitzaigun eta nire dutxek hiru minutu baino askoz gutxiago iraun zuten, lurraren eta gure patrikaren onerako. Jakina, uraren kontsumoaren aferan dutxa bakoitzaren iraupena ez da aldagai bakarra, ez baita berdina egunero dutxatzea, bi egunean behin, edo beharraren arabera egitea… Adarra jotzen maisua den Iñigok aspaldi azaldu zidan zein zen dutxen maiztasun egokiena mundu honetan ongi ibiltzeko: «Urtean bitan! Behar izan edo ez!».