Azken aldiko jende oldeak bazter guztietan utzitako arrastoek kezka sortu didate. Trenbide inguruan ibiltzea aski han eta hemen komuneko paperak, kaka pilak eta abar nonahi topatzeko. «Pastelak» bidearen erdi-erdian aurki daitezke inguruan utzitako zikindutako paperez apainduta. Berriz ere hortik pasa behar duenak egin al lezake halakorik? Badakigu batzuetan larrialdiak izaten direla baina ezin al da bidetik baztertu eta zerbait txukunagoa utzi? Ezin al da baztertu, orbela edo harriren batekin estali edo papera gorde eta zakarrontzira bota? Ez dakit... Nolanahi ere, bistakoa da gizarte honen ezaugarrietako bat dela zikinkeria sortzeko gaitasun ikaragarria izatea. Ikasiko ahal dugu bazterrak txukunxeago zaintzen!
Karmeleren ustez ostatu baten kategoria komunak ematen du. Alegia, komuna nolako, ostatua halako. Baliteke, bai, arrazoi puska bat izatea. Mendian, ordea, komunik ez den lekuetan, jendearen kategoria zein den ikusteko zantzuak aurki ditzakegu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun