Bistakoa da ur-emaria ikaragarri jaitsi dela azken urteetan. Lehortea? Bai, baina lehorteari iturri guztiak guretzat hartu izana gehitu behar zaio. Lehen errekatik zihoan ura orain hodietan barrena ur-biltegira, etxeetara, lantegietara, eta abarretara doa. Herriaren parean errekaren alde batetik bestera pasa daiteke harrietatik, zubi beharrik gabe. Gogoan dut zer lasterraldiak egin behar izaten ziren garai batean eskolako futbol-zelaitik baloia errekara joaten zenean hura berreskuratzeko. Makila hartu eta ziztu batean behera jaitsi behar zen lehenbailehen harrapatzeko. Gaur ez litzateke 20 metro jaitsiko harrietan trabatu gabe! Gure ume garaitik hona bezainbeste aldatzen bada erreka datozen urteetan, ez dakit zer ikusiko dugun. Euririk ari ez duenean erreka-zulo lehor bat?
Aio errekei
2021ko urr. 23a, 09:00
Atzo errekara joan nintzen txikitan bainatzen ginen Urbietako putzua ikusteko asmoz. Jota gelditu nintzen. 20 cm inguruko sakonera zeukan garai bateko igerilekuak. Karramarro asko zeuden, amerikarrak. Bertako karramarroen arrastorik ere ez. Amuarrain gutxi.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun