«Lanak hilabetez atzeratu amuarrainak umatzen ari direlako? Mendi lasterketa desbideratu ezagutzen ez dugun landare bat babesteko? Aizu, badaude ingurumenari askoz ere kalte handiagoa egiten dioten beste jarduera batzuk! Naturzaleak, gara, gure jarduera aspaldikoa da eta eskualderako diru-iturri garrantzitsua da!».
Antzeko erantzunak maiz entzuten direlako da pozgarria naturaren kontserbazioaren alde aurrerapausoak ematen dituzten eragileak topatzea: baso-jabeak, alkate eta zinegotziak, eta edozein arlotan diharduten ekintzaileak, euren esku dagoena egiteko prest. Azken finean, ulertu dutelako ingurumena zaintzea denon zeregina dela eta hori eginda, geure burua eta atzetik datozenena zaintzen ari garela.
Edonori galdetzen badiogu desagertzeko arriskuan dauden baleak, tigreak edo urrutiko edozein espezie kontserbatu behar ote den, nekez aurkituko genuke ezezkoa esanen lukeen inor. Baina eskatzen badugu gure herrietako edozein jarduera mugatzea bioaniztasuna kontserbatzeko, gauzak zeharo alda litezke.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun