1947an hasi zen Francis aholku estetikoak eta etxe-garbiketako gomendioak ematen. Gerora, emakumeen kezka sentimentalak erantzuten ere hasiko zen. Influencer bat zen.
«Gizona desleiala bada, izan itsua, gorra eta mutua», edo «bortxatu bazaituzte zerbait egin duzunaren seinale». Horiek ziren, bertzeak bertze, entzuleen kezkak lasaitzeko ematen zituen erantzunak. Ez zituen inoiz kontuan hartzen ez emakumeak, ez eta haien zoriona. Soilik eginbeharra.
Kontsultategiak 1947tik 1984ra arte iraun zuen. Gerora jakin da Francis ez zela inoiz existitu, eta aholku horien gibelean zeudela, Ángela Castells Falangeko Sección Femeninako kidea eta 60ko hamarkadatik aitzinera, Juan Soto Viñolo zezenketa kritikoa.
Beraz, erne, segitzen diegun influencerrekin.