Batzuendako gaua franko poliki luzatu zen, nahi baino lo gutiago egin behar izan zuten, larunbat goizean gosaria baitzuten elkartean: arroltze, xingar, xixtor... Gosaldu ondotik Anizko eta Berroetako gazte andana ibili ziren etxez etxe trikitixarekin lagundurik jan-edanean, kantuan eta etxekoekin solasean. Larunbata ere igande artio luzatu zuten hondarreko etxean bildu zirenek.
Zenbait bestondoa ezin porrokatuz egonen badira ere, heldu den larunbaterako pasatuko zaie, ilbeltzaren 21ean Berroetan izanen baitira inauteak. Lehenbiziko asteburuan berroetarrak Anizerat etortzen diren bezala, hontakoan, aniztarrak izanen dira Berroetarat joanen dira.