Laster ailegatu zen epaia ere: «Zurekin egiten du lo, e? Hori ez da ona», «oraindik titian? Hori ez da ona». Ama txarren klubeko kide egin nintzen nahiko azkar, amatasun askea eta epairik gabekoa bizi eta bultzatu nahian. Errua eta epaia orokorrak dira, baina amatasunarekin indartsuago jaso ditut: badirudi edozeinek edozer erran diezazukeela, eta zakar erantzunez gero, zu zara erruduna.
Epaitzen ez zaituzten pertsonak dira lagunak, zure ezinegonak, grinak eta hanka sartzeak aditu, eta bat etorri ala ez, babesten zaituztenak. Aholkuak eskatuta ematen dizkizutenak. MILA ESKER ZUEI!