Idaztea Kairosen kopetako ile xerlo lodia harrapatzea da. Greziako jainko bat da Kairos, hagitz azkarra, istant galkorren sinboloa. Une iragankor horiek marka dezakete kaskarkeriaren eta handitasunaren arteko aldea, zortearen eta zoritxarraren arteko desberdintasuna.
«Asperdurak aberasten du gure existentzia»
Inspirazio, intuizio horiez jabetzeko, begiratzeko eta pentsatzeko denbora hartu behar da. Aspertzeko ere bai. Franco Berardi Bifo filosofoak dioen bezala, amesten dugun abenturaren eta hura betetzearen arteko distantzia baita asperdura. Hain zuzen ere, distantzia horrek aberasten du gure existentzia.