2021ko abu. 7a, 10:00
Biderketa betikoa, emaitza ere bai: 15 euskaldun eta espainol hiztun bat, denak espainolez. Betiko kantua da baina ez dugu aitzinerat egiten... Duela gutira arte erabat euskaldunak ziren eremuetan espainolez solasean entzuten dut azken aldian, betiko aitzakiak tarteko; ohitura kontua dela, errespetua…
10 urte gure artean bizi eta «egun on» errateko gai ez den horrek ez al digu ba guri errespetua faltatzen? Zuek uste duzue Ingalaterrara joaten bagara, bertakoek gainerakoenganako errespetuz ingelesa utziko dutela?
Guk galduko dugu gurea dena arrosazko pasilloa irekitzen badiegu Euskal Herrian euskararik gabe bizi nahi dutenei.
Holako jarrerekin, espainolez solastatzen den herri bihurtuko gara, baina hori bai, errespetudun espainol hiztunak! Izan diezaiogun errespetua geure buruari!
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.