Ordura arte irakurtzen ziren berriak Iruñean, edo Tafallan, edo Madrilen, edo Parisen gertatutakoak ziren, baina Ttipi-Ttapa sortuz geroztik, gure herrietan gertatzen zirenak ere garrantzia zeukatela sinesten hasi ginen.
Ttipi-Ttapakin batera gure eskualdean bertze aldizkariak, irrati eta telebistak sortu ziren. Batzuk ezinean, bidean gelditu ziren, baina zorionekoak gara, bertze aunitzek hor segitzen baitute oraindik.
Hala ere, kasu! Iraupena ez dute batere erraza: dirulaguntzen menpe dira, herrietako merkatarien publizitateak laguntzen ditu, bertze gisako zerbitzuak eskaintzen dituzte, irudimen haundiko behi-kaka zozketak antolatzen dituzte… Txalo haundi bat izigarriko lan baliagarria egiten duten eskualdeko hedabideei.