Egin dezagun

Erabiltzailearen aurpegia

Preso gauden egun hauetan, etorkizuna nola nahiko genukeen pentsatzen gabiltza. Ekonomia bidezko eta solidarioago bat nahi dugu, ilusionatzen ari gara planeta deskontaminatzen ari delakoan, osasun sistema hobetu behar dela ikusten ari gara, gure zahar etxeen gestioa aldatu beharra dela begi-bistan gelditu da, gure nekazariek daukaten garrantziaz konturatu gara.... Inkontzienteki, hau guztia «goitikoek» konponduko dutela pentsatzen dugu, Admnistrazioaren lana dela, ekonomiako arlotik beharko duela izan. Eta gehienbat horrela beharko du, baina agian gure buruari «eta nik zerbait egin dezaket?» galdetzen badiogu?

Gure kontsumo mota eta gure aisialdia nolakoak diren birplanteatzeaz ari naiz. Kontsumitzaile kontziente eta kritikoak izateaz ari naiz. Gure dirua zeini ematen diogun konturatzeaz ari naiz. Kontsumitzaile bezala, sekulako boterea daukagu. Gure diru-poltsa ttikietatik hasiz, baina erabaki ausartak hartuz, ekonomia alda dezakegu. Oraintxe berean, koronabirus ttar horrek egiten ari duen bezala.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun