Handik aste batera ahantzia naute, eta azaroaren 25a ailegatuko den arte ez zaituzte sobera aipatuko; bien bitartean zuetako baten bat hiltzen ez bada, noski. Denboraren poderioz dibertimendu moderno batean bilakatu naiz, urte osoan zikintzen duen jendearen kontzientzia morez garbitzeko eguna. Reluciente: efecto asegurado! Ahantzi duzue, ni zuek bezala mortala izateko jaio naizela baino inmortaltzat hartzen nauzue. Beti ahazten den oroitzapena, ainitzendako bizia gogorra (gogorregia) denaren gogorapena. Egunen batez, desagertuko naiz: emakumeak, eta zergatik ez, pertsona guziak libreak izanen diren eguna izatea espero dut.
Asmakizuna
2021ko mar. 20a, 08:00
Duela 101 urte izen internazionala eman zidaten, unibertsala. Emakumeen bozka eskubidea aldarrikatzeko, eta lan baldintza hobeak exijitzeko helburuarekin bataiatu zidaten. Nire inguruan dagoen guztia morez pintatzen da, bai egunak, aurpegiak, kantuak, kaleak, gogoak, baita zerua ere. Nolako festa, halako biharamuna: koloreak bizia galtzen du, estoldetan oihuak eta aldarrikapenak itota nahasten dira, zeruaren negar tanta moreak tristeki erortzen dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun