Politikarien kontra ere aritzeko aitzakiarik ez zaigu falta izan. Agintariek ausartago jokatzea nahi izan dut, maiz, eta, hala ere, ezin ditut denak zaku berean sartu: trakets, baldar aritu dira batzuk; ahal bezala erantzuten aritu izanen dira gehientsuenak; bertze batzuk, aitzitik, sekulako inplikazioarekin fin-fin aritu dira. Eta eskertu nahi ditut, bereziki, inguruko alkate eta zinegotzietako anitz.
Hobeak izan nahi badugu, bertzeen akatsak eta errudunak bilatu beharrean, geure onena atera eta elkarri laguntzeko ahalegina egin beharko dugu, komunitate gisa arituz. Oroitu, jokoan dugunak ez duela parekorik: osasuna.
Hobeak
2021ko ots. 14a, 13:00
Koronabirusa orain urtebete etorri zenean, gizarte hobea eginen genuela hartu genuen lelotzat. Baina emaitza ez da izan esperotakoa, eta errudun bila hasi gara. Gazteak paratu ditugu jopuntuan, batez ere. Gaizki jokatu duten gazteak baino anitzez ere gehiago ikusi ditut xintxo-xintxo ibili direnak. Eta gaizki aritu direnen artean, anitzek, aspaldi utzi zioten gazte izateari.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun