Belateko tunelak itxi eta kamioiak portutik bidaliko dituzte zazpi hilabetez. Kamioiak bertze errepide batzuetatik desbideratzea eskatu dute inguruko ia alkate denek. Gutieneko neurria behar lukeenari entzungor egin dio Nafarroako Gobernuak. Eta ezin dut ulertu. Nonbait, garraiolari eta gasolindegien lobbyak herritarrek baino indar eta balio gehiago dute, bertzela, nekez uler baitaiteke 3.500 kamioi egunero Belateko maldetan sartzea.
121
2018ko api. 20a, 20:00
Egunero errepiderat atera behar dugunontzat zenbaki madarikatua da 121a. Bidaso bazterrak gurutzatzen dituen errepidea ezaguna da gure mugetatik kanpo ere. Orain hamar bat urte bide berria estreinatu eta gaitz guztiak konponduko zirela saldu ziguten, baina, bakan batzuek neurri gehiago eskatu genituen, bidea ez zegoelakotz prestatua nazioarteko garraiorako, eta puntu beltz franko gelditzen zirelakotz konpondu gabe; tartean, Bera eta Sunbillako saihesbideak. Geroztik zientoka kamioi gehiago dabil gure bazterretan, arrisku aisa handiagoa sortuz.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun