Zerrendak goiti eta beheiti, herrietan batzarrak eta lau urteetako kritikatzaileak desagertuta, desagertuta edo etxean, edo ostatuan ote? (Hautagaitza prestatzen? Kar-Kar).
Bai, lau urte ondotik berriz ere foru hauteskundeak datoz, eta horiekin batera, udal hauteskundeak. Batzuek paso egiten dutela diote karriketan, udal zerrendak nola dauden galdetzen duten bitartean, interes ezaren maskarapean interesa ote?
Izanen dira interes konkretuengatik sartuko direnak eta izanen dira ilusio gabe zerrenda betetzegatik joanen direnak. Eta nola ez, udal ordezkariez gain, herritarrok ere badugu zer erran, zer hausnartu eta zer proposatu, baina aizu, ez, dena ez da zilegi.