Pertsonak sailkatu eta hierarkizatzeko modu berri bat sortu da koronabirusarekin: arduratsuak eta arduragabeak. Baina, ba al dakigu zer den ‘arduraz’ jokatzea? Edo ‘arduraz’ jokatzeko inposatu dizkiguten arauak aplikatzeko itxurak egiten ditugu gehiegi pentsatu gabe? Lagun bat besarkatzeak arduragabe egiten al nau? Eta dantzaleku batean (edo edonon) dantzatzeak?
«Harrigarria da zein azkar egin garen normalitate berrira»
Nik ere zalantza asko ditut, eta arduraz jokatu nahi dut. Baina uste dut babes neurriak (askotan zentzugabeak) hartzen ditugula erakusteak isun batetik libratu bai, baina bere horretan ez gaituela arduratsuago egiten. Eta are gutxiago gure bizitzak goxatzen dituzten gauzei zentzurik gabe uko egiteak. Burura datorkit: ´Ezin bada dantzatu, ez da nire deseskalatzea…ª.