Guardia Zibilak eraso sexista baten biktima jazarri duela salatu du Baztango Batzar Nagusiak

Baztango Batzar Nagusiak ahobatez onartu du Bildu aurkeztutako mozioa. Idatzian biltzen denez, 2014ko urriaren 16an, Lekarozko kiroldegian, eraso sexista baten biktima izan den herritar batek Elizondoko kuarteleko guardiazibil batzuen jazarpena jasan behar izan du. Guardia Zibiletako bat bere erasotzailearen aita izanik, probokazioaz akusatu eta atxilotuko zutela mehatxatu zuten. Hau dena erasotzailea metro gutxietara zegoela eta jakinda bere kontrako urruntze agindua indarrean zeukala.