Auzolanean bakea eraikitzen jardunaldiko bigarren solasaldia otsailaren 26an Beran

2013an martxan paratutako Bakea eta bizikidetza planaren baitan, iraganaz, orainaz eta etorkizunaz aritzeko, herritar guztiei irekitako hiru saio antolatu ditu Berako Udalak, Auzolanean bakea eraikitzen lelopean. Bidezko bakea eta memoriaduna eraikitzea da helburua, iragana argituz, oraina normalizatuz eta etorkizunean adiskidetzea lortuz. Saioetako bakoitzak gai horietako bat landuko du. Joan den ortzegunean Beralandeta ttiki gelditu zen, Paco Etxeberria auzi-mediku ezagunaren solasaldi interesgarria aditzera jende aunitz hurbildu baitzen, argazkian ageri denez.