Oztopoen gainetik euskaraz bizitzeko babesa eman diote Nafarroako euskalzaleek Baztango Udalari

Nafarroako euskalgintzaren ordezkaritza zabala bildu da azken aldian Estatuen zein Nafarroako Gobernuaren aldetik hizkuntza-politikari lotuta jazotako injerentziak salatzeko. Otsailaren 23an egindako agerraldian bereziki Baztanen gertatutakoa salatu nahi izan dute. «Baztango udalak konpromiso irmoa du herritarrek duten euskaraz bizitzeko nahia errealitate bihurtzeko. Ildo horretan ulertu behar dugu UEMAn sartzeko hartu berri duen konpromisoa eta zentzu horretan doa ere Euskara plana onartu izana».