Gazte gara gazte

Erabiltzailearen aurpegia

Gazte gara gazte bai, eta ez gaude konforme. Hala zioen duela hamarkada batzuk Iriondoren abestiak, eta arrazoiak sobran dauzkagu oraindik ere berdina abesteko. Ez gaude konforme komunikabideetan gazteok gaudelako etengabe jopuntuan, edo osasunaren alde egin beharrean kontrol soziala areagotzea helburu duten neurri murriztaileak inposatu dizkigutelako. Eta noski, ez gaude konforme pandemia honen erantzukizuna gure bizkarrean jartzen dutelako behin eta berriz.   

Bizi dugun egoera honen aitzakiapean, izugarri handitu da jada gure herrietan handiegia zen presentzia poliziala, eta sekulako kontrol soziala zabaldu da gure inguruan. Ikusi ditugu gazteon aurka egindako espektakulu polizialen irudiak, eta bizitu ditugu gure aurkako jazarpen zuzenak. Aski da, nazkatuta gaude gazteok pandemiaren errudun bihurtzeko egiten diren ahaleginekin. Ez gaude konforme, ez, eta honi guztiari aurre egiteko prest gaude. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun