Bere jarduerak, honako helburu bikoitzari erantzun nahi dio:
1. Gizarte-eragin positiboa izan dezaketen jarduera ekonomikoak finantzatu. Hala nola, osasun-gizarte zerbitzuak, etxebizitza sozialak, energia berriztagarriak, gertuko nekazaritza, hezkuntza eta baloreen eraldaketa, pertsonen gizarteratze, ipar-hegoa kooperazioa eta bidezko merkataritza.
2. Aurrezle eta inbertitzaileei bazkideak izateko aukera eskaintzen zaie. Bazkideek kontrolatzen dute bankuaren jarduera, modu deszentralizatuta eta asanblearioaren bitartez. Era honetan, bazkideek erabakitzen dute zein proiektuak finantzatu. Bazkide bakoitzak boto bakar bat duenez (independenteki zenbat dirua ipini duen) kontrola korporazio edo bazkide ahaltsuen eskuetan erortzea ekiditen da.
Une honetan, Fiarek 2.400 bazkide eta 5.400 bezero dauzka Estatu osoan. Kapital soziala 3,1 miloi eurokoa da. Aipatzekoa da badaudela kide egin diren udalak. Horien artean, Burlata, Antsoain, Berriozar eta Atarrabia Nafarroan eta gure inguruan Donostia, Errenteria eta Hernani.
Fiarek finantzatzen dituen proiektuak eta enpresak «gizarte eta elkartasunezko ekonomia» esparruan kokatzen direnak dira. Horra hor gure inguruan Fiarek finantzatu dituen proiektu batzuk: Goiener (Energia Berriztagarrien Sorkuntza eta Erosle Kooperatiba), Emaus Gizarte Fundazioa, EHNE (Euskal Herriko Nekazarien Elkartasuna), Hegoak elkartea eta hainbeste fundazio eta kooperatiba. Fiarek finantzatzen duen proiektuen zerrenda publikoa egiten du. Ondoko orrian beha daitezke: https://www.fiarebancaetica.coop/ conmidinero
Bidaziren gisan, Fiarek ere, solidarioa, ekologikoa, arduratsua, jendearengandik hurbila eta auzolanean oinarritzen den mundua bultzatzen du. Azken finean «gizarte eta elkartasunezko ekonomian» oinarritzen den gizarte berri bat.
Fiare Banku Etikoa izeneko banketxea, aurrezki eta kreditu kooperatiba bat da. Bertze edozein banketxetan bezala, nominak helbideratu, transferentziak, txartelaren bidez ordaindu eta gisako beste eragiketak egin daitezke. Diferentzia bakarra, eragiketak interneten bidez egiten direla da (toki aunitzetan bulegorik ez dagoelako).
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun