Bizi osorako tinta

Badira bizi osorako maitearen izena tatuatu eta damutu direnak. Edo japoniar hizkiez esaldi borobil ustea sorbaldan tintatu eta hiztegia hartutakoan harriduraz lotsatu direnak. Gaur futbolari izateko, baloiari ostiko ongi ematea baino garrantzitsuago dirudi hanka eta besoetan ez ezik, lepotik goiti marrazkiren bat agertzea, baina nire lagunak dio bere gorputzean sartuko den tinta bakarra txipiroiena dela.