Inauteriak hurbiltzen ari dira Goizuetan ere. Mozorroek dantzatzen duten zagi-dantza da Goizuetako inauteriaren bereizgarrietako bat. Aspaldiko ohitura izanagatik, hau ere aldatu egin da urteen poderioz. Horixe erakutsi zuen larunbatean Joxe Mari Narbartek, gazte denboran zagi izandakoak. Ikusi argazkiak
Larunbatean, Goizueta eta Aranoko Guraso Elkarteak antolatzen duen Gazte Txokora hurbildu zen Narbarte eta inauterietako diapositiba batzuk ikusi zituzten, lehengo eta oraingo argazkiekin. Joxe Mari Narbartek lehenago nola dantzatzen zuten kontatu eta erakutsi zuen, berak esaten duenez oraingo gazteek oso desberdin dantzatzen omen dute eta. Gustora egon ziren gazteak zagi-dantzako kontu zaharrak entzuten Joxe Mariren ahotik, baina lehengo modura dantzatzen ere.