Leitzaldeko Emakumeen Batzordea hasi da lanean. Martxoaren 28an aurkezpena egin zuen Goizuetan eta herriko eta Aranoko 20 bat emakume elkartu ziren. Emakumeen formakuntza beharrak eta nahiak asetzeko helburua jarri zen mahai-gainean eta bide horretatik, bakoitzaren intereseko ikastaroak eta gaiak proposatzeko deialdia zabaldu du.
Apiril bukaera arte egonen da proposamenak aurkezteko aukera. Tarte horretan, Amaia kafetegian eta Gizarte Zerbitzuetan zerrendak egonen dira eta nahi izatera, emakume.batzordea@gmail.com helbidera idatzita edota 948 510840 telefonora deituta ere bilduko dira ideiak. Bilketa egin ondotik ikusiko da zein formakuntza saio egin daitezkeen herrian nahiz eskualdean.