San Andres Egunaren bueltan, urtero antolatu ohi da festa Andres Narbarte Xaltoren izena daraman herriko eskolan. Aurten, ostiral honetan, hilak 27, bertsoarekin zerikusa duten zenbait ekitaldiz gain, Trikuharri antzerki taldearen emanaldia izanen da. Larunbatean, berriz, Nafarroako Bertsozale Elkarteak bi urtetik behin antolatzen duen Xalto Sariaren edizio berri bat ospatuko da. Nafarroako 16 bertsolari gazteren arteko kanporaketa izanen da aurrena, 11:00etan hasita. Sei onenek 18:00etan jokatuko den finalerako txartela eskuratuko dute.