Aimar Olaizola goizuetarrak eta Juan Martinez de Irujo, gaur eguneko txapeldunak jokatuko dute Esku Pilota Enpresen Ligak antolatutako eskuz banakako txapelketaren finala. Hitzordua igande honetan, ekainaren 5ean, izanen dute, Donostiako Atano III. pilotalekuan.
Elkarren kontra buruz buru behin bakarrik jokatu dute Aimarrek eta Irujok, iazko txapelketaren finalerdiko ligaxkan, eta orduan Iberokoak 22-1 irabazi zion goizuetarrari.
Aurtengo txapelketari dagokionez, bi finalistak final laurdenetan hasi dute ibilbidea. Olaizola II.ak Zearra kanporatu zuen (22-9) eta finalerdian Gonzalezeri gailendu zitzaion (22-6). Irujok lan gehiago egin behar izan du. Asier Olaizolari 22-16 irabazi zion eta finalerdian Patxi Ruizeri 22-21 irabazi zion, doi-doi.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!