MALERREKAKO ZERBITZUEN MANKOMUNITATEA

Berdintasun Zerbitzua Malerrekako Mankomunitateko berdintasunaren gaineko politiken diseinuaz, plangintza egiteaz, kudeatzeaz eta ebaluazioa egiteaz arduratzen da.

Berdintasun Zerbitzuaren misioa da bizitzaren arlo guztietan, publiko zein pribatuan, emakume eta gizonen arteko ezberdintasun eta diskriminazioak ezabatzea helburu duten berdintasun politikak garatzea.

Bestalde, aukera berdintasunaren gaian jendartea sentsibilizatu,  informazioa eman eta aholkularitza lanak egiten ditu, bai Mankomunitate zein Udal mailan (Mankomunitateko eta Udaletako langileendako) bai eskualde zein udalerri mailan (herritarrendako, elkarteendako edota taldeendako).

Kontaktua:

Telefonoa: 948 451 746 |  621 120 620

Email: berdintasuna@malerreka.eus

Malerrekako Euskara Zerbitzua 1989an sortu zen gizartearen arlo guztietan euskararen normalizazioa lortzeko. Malerrekako Zerbitzu Orokorren Mankomunitatearen baitan dagoen zerbitzua da.

Eginkizun hauek ditu: euskararen erabilera indartzeko lanak planifikatzea, antolatzea, koordinatzea eta gauzatzea. Lan hau aitzina eramateko, beste hainbat erakunderekin elkarlanean aritzen da, bai Malerrekakoak, baita Malerrekatik kanpokoak ere.

Kontaktua:

Telefonoa: 948 451 746 |  621 144 736

Email: euskarazerbitzua@malerreka.eus

Oinarrizko Gizarte Zerbitzua babes sozialeko zerbitzu publiko eta komunitarioa da. Bere helburua Mankomunitatea osatzen duten herrietako biztanleen bizi-kalitatea hobetzea da. Horretarako, prebentziotik lan egiten da, eta pertsonei beren beharrei eta arazoei aurre egiten eta horiei irtenbidea ematen laguntzeko esku-hartzeak eta neurriak garatzen dira.

Kontaktua:

Telefonoa: 948 451 746 |  638 529 785

Email: ssbdoneztebe@malerreka.eus

Malerrekako Zerbitzu Orokorren Mankomunitateak eskaintzen dituen zerbitzuen artean Malerrekako hiri hondakin solidoak bildu, kudeatu eta tratatzea dago. Honen helburua eskualdean sortzen diren etxe partikular, denda, ostatu, jatetxe, tailer eta abarretako hiri hondakinak bildu eta berreskuratzea da.

Ohiko bilketa sistema bi edukiontzi mota desberdinetan egiten da: gaikako bilketa (beira, papera eta kartoia, eta ontziak) iglu modukoetan eta bilketa arrunta materia organikoa, batetik konpostarekin eta bertzetik, atez ateko zerbitzua egiten dugu sortzaile berezientzat, dendak, ostatuak, jatetxeak,  eta gainontzekoa gurpildun edukiontzietan.  Guzti honi gehitu behar zaizkio traste handien eta paper edo kartoi kantitate handien etxez etxeko bilketa eta hondakin bereziak biltzeko garbigune mugikorra. Zerbitzu hauek eskaintzeko Malerrekako Mankomunitateak elkarlanean dihardu Baztango Udalarekin eta Bortzirietako Hiri-hondakinen Mankomunitatearekin.

Astelehenak: 09:00-13:30  eta 15:30-18:30

Asteazkenak: 09:00-13:30  eta 15:30-18:30

Ortzegunak:  15:30- 18:30