Bihar Ganbarako solasetan, 'Esnatu ala hil liburua' Arrano elkartean

Ttipi-Ttapa

Garikoitz Goikoetxea bihar Arrano elkartean.

Bihar, azaroaren 20a, 19:00etan,Garikoitz Goikoetxea eta Iñaki Iurrebasoren Esnatu ala hil: euskararen oraina eta geroa, diagnostiko baten argitan liburuaren inguruko hitzaldia izanen da Arrano elkartean. Garikoitz Goikoetxea izanen da bertan solastatzen, aurkezle papera hartuko duen Iratxe Muxika lesakarraren konpainian.

Euskararen egoera soziolinguistikoaren azterketa sakona eta etorkizunera begirako gogoeta kritikoa egiten duen saiakera da liburua. Euskararen biziberritze prozesua bidegurutze erabakigarri batean dagoela ohartarazten du, eta horri tiraka arituko da Garikoitz Goikoetxea. Datuen irakurketa, euskalduntzearen mugak, globalizazioa eta digitalizazioa bertzeak bertze, izanen dira jorratuko diren gaiak. 

 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun