Joan den larunbatean Lesakan gizonezkoen eta emakumeen txapelak banatu ondotik, Nafarroako sokatira txapelketa mistoaren txanda izanen da. Azaroaren 14an jokatuko dute Antsoainen, larunbatean 17:00etan hasita. 560 kiloko kategorian ariko dira zortzinaka eta Beti Gazte izanen da eskualdeko ordezkari bakarra. Gizonezkoen nahiz emakumezkoen txapelak jantzi dituzten lesakarrekin batera, Antsoain eta Txantrea lehiatuko dira Nafarroako txapelketa mistoan.
Atsedenerako tarte handirik gabe, Euskal Herriko 4x4 sokatira txapelketa ere asteburu honetan abiatuko da. Hain zuzen, azaroaren 15ean, igandean 11:30ean hasita jokatuko dute txapelketa mistoa Antsoainen, 280 kiloz beheitiko kategorian.
Ondotik, azaroaren 21ean, emakumeen Euskal Herriko 4x4 sokatira txapelketa jokatuko dute Antsoainen eta azaroaren 28an, gizonezkoen Euskal Herriko 4x4 sokatira txapelketa Ezpeletan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.