Herriko Etxeko Plazan hasi zen emanaldia, gerra garaiko kontuekin gehien bat. Ondotik, Jesusen Bihotza ikastetxeko atarian, hezkuntzako kontuak plazaratu zituzten. Osasun Etxearen atarian, zaintza kontuak agertu zituzten eta, bukatzeko, Legia karrikaren hasieran, emakumeak eta artearen inguruko antzezlana eskaini zuten, ‘Berako emakumeen arrastoa’ liburuan agertutako emakumeen inguruko azalpenak agertzen zituzten panelen artean. Hain zuzen, ‘Berako emakumeen arrastoa’ liburua idatzi duen Jon Abrili ere txalo zaparrada ederra eskaini zioten.