Euskal Herriko sukaldaritza tradizionala izenburupean, David Rodriguez sukaldariarekin tailerra antolatu du aurten ere Lesakako Beti Gazte elkarteak, Lesakako Udalaren eta Irain eskolaren laguntzarekin. Irain eskolako sukaldean eginen dute ikastaroa azaroaren 20an, ortziralean 18:00etatik 20:00etara eta bi pintxo eta bi plater nagusi prestatzen ikasiko dute.
Azaroaren 20an emanen du David Rodriguez sukaldariak eta azaroaren 13ra arte eman daiteke izena
Izena emateko epea azaroaren 13an bukatuko da eta plaza mugatuak dira. Beti Gazteko bazkideek 10 euro ordaindu beharko dute eta bazkide ez direnek 20 euro. Izena emateko edo informazio gehiagorako 652 74 81 67 telefonora deitu (Maite).
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.