Maddi Ane Txoperena Iribarren, Estitxu Fernandez Maritxalar, Erika Lagoma Pombar, Mikel Taberna Irazoki eta Iban Garro Alzuri idazle lesakarrek Lesakako Irakurraldi Jarraituaren I. Jaialdian parte hartuko dute, hainbat herritarrekin batera, bertako Liburutegi Publikoak Harriondoa kultur etxean hamar urte beteko dituelako urriaren 24an, Liburutegien Nazioarteko Egunarekin batera.
Aipatutako idazleen testuez gain, Mikel Rodriguez Landa eta Gaizka Sarasola Iartzabalenak irakurriko dituzte ospakizunean.
Lesakako Irakurraldi Jarraituaren I. Jaialdia eginen dute gaur liburutegian
2026ko urriaren 23a
Urriaren 24an Lesakako Liburutegiak hamar urte beteko ditu Harriondoa kultur etxean. Bezperan, urriaren 23an, ortziralez, ospakizun besta handia antolatu dute, Lesakako Irakurraldi Jarraituaren I. Jaialdia. Liburutegian bildu eta 12:00etatik 20:00etara, elkarrekin ozen irakurtzen ariko dira irakurzaleak. Goizean ttikiak izanen dira protagonista eta arratsaldean helduak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun