Baina Mastegira hurbildutakoan hartu zuen sorpresa, Beti Gazteko harrobiko hainbat taldeetako jokalariek eta Beti Gazteko eta Ordiziako talde nagusietakoek egindako pasilloan sartu baitzen futbol zelaira, harmailak betetzen zituzten ikusleen txalo artean. Gainera, Ander Abuin presidentearen eta Argiñe Ordoki zuzendaritza batzordeko kidearen eskutik lore sorta, Beti Gazteko zapia eta besarkadak hartu zituen. Ohorezko sakea egin zuen hunkiturik Joxepa Mindegiak eta Beti Gazteko jokalariekin eta familiarekin argazkiak atera zituen.