Goizean, Lesakako plaza inguruan mugimendu handia izan zen. Karro kanpoa jarria zuten eta pintxoak eta materialak salgai paratu zituzten, Elutxa txarangak giroa jartzen zuen bitartean. Eneko Fernandezek bertso bat ere kantatu zuen eta Lesakako Udalak, herritarren izenean, oroigarria eman zion Euskal Artzainak Ameriketan elkarteko sortzaile eta lehendakaria den Laura Igantzi herritarrari. Nafarroako Gobernuko Ana Ollok ere zenbait solas egin zituen, Ameriketan ibilitako artzainen lana goraipatuz. Plazatik elizara joan ziren artzainak eta senideak, zaldunak eta ezpata dantzariak gidari zituztela. Mezan, gero bazkalondoan bezala, Menditarrak taldeak eta Erramun Martikorenak kantatu zuten. Mezatik aterata Zubigainekoa dantzatu zuten herriko ezpata dantzari ttikiek, high ball-a dastatzeko aukera ere izan zuten eta gero, aipatu bezala, 450 bat lagun bildu ziren giro ederrean, bazkari herrikoian.
[ARGAZKIAK] Giro bikainean joan da Ameriketan ibilitako artzainen hondarreko besta Lesakan
Euskal Artzainak Ameriketan elkarteak antolatutako hondarreko besta egun jendetsua egin dute irailaren 27an Lesakan, Ohore zuri euskal artzaina, ohore zuri atta! lelopean. Hain zuzen, lehenbizikoa ere herrian egin zuten duela hogei urte, 2006an, eta igandeko azken bestarekin borobildu nahi dute ibilbidea. Igande osoan hainbat ekitaldi izan zituzten eta frontoian 450 lagun bildu ziren bazkaltzera.
Erlazionatuak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun