Egitarauari dagokionez, urriaren 10ean, larunbatean 12:00etan kalejira eginen dute herrian barna eta 14:00etan bazkaria izanen dute Alondegiko arkupetan. Musika kontuetarako Jalisco, Beñat Mitxelena eta Frantzisko Santxotena izanen dituzte eta bertsolariak ere ariko dira. Sariak zozketatuko dituzte. Menuan, urdaiazpiko kroketak, entsalada mistoa, zapoa baratxuri errefritoarekin eta okin erako patatekin, aratxe-masail gisatuak saltsan patata purearekin, etxeko torradak (torrijak), edaria, kafea era txupitoa izanen dute. Ilunabarrean, berriz, pintxoak emanen dituzte, Santxotenak alaituta.
Lesakako III. Kantu Zaharren Egunerako txartelak eskura daitezke dagoeneko
2026ko irailaren 21a
Urriaren 10ean eginen duten ospakizuneko bazkaria Alondegiko arkupetan eginen dute aurten eta txartelak irailaren 21etik 30era eskura daitezke
Lehen bi urtetako arrakastaren ondotik, Lesakako III. Kantu Zaharren Eguna antolatu du herriko kantuzale talde batek, Lesakako Udalaren, Beti Gazteren eta bertze zenbait enpresaren laguntzarekin. Urriaren 10ean eginen da ospakizuna eta aurten, berrikuntza bezala, Alondegiko arkupetan eginen dute bazkaria eta ez Koxkontan. Txartelak irailaren 21etik 30era salgai paratu dituzteTelletxea estankoan eta Izarra okindegian, 55 eurotan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun