Herriko besten aitzineko asteburua hurrengoan
Hurrengo asteburuan ere, irailaren 19an eta 20an, agenda ekitaldiz beterik izanen dute Igantzin, herriko besten aitzineko aste hondarrean. Larunbatean, plater tiroketa izanen da Mukegiko ehiztarien bordan. Frontenis txapelketako finalak ere jokatuko dituzte. Dagoeneko ari dira gaztetxo eta helduak abaila Biltokik urtero antolatzen duen txapelketan. Baratzondon mus eta partxis lehiaketa izanen dute. Eguna bukatzeko herriko dantzarien emanaldia izanen da.
Igandean, berriz, buruilaren 20an, eguna alai hasteko karrika buelta izanen da txistulariekin. Ajoarriero txapelketarekin segituko du goizak eta XXII. gazta lehiaketa ere eginen dute. Arratsaldez, kankailu eta buruhandien karrika buelta eta opil eta gazta dastaketarekin emanen zaio bukaera egunari.