Arranon bertan eskuratu beharko dira txartelak, eta aurten ordutegi zehatz hauetan egin beharko da:
- Irailak 11, ortziralea: 18:00-20:00
- Irailak 12, larunbata: 12:00-14:00
- Irailak 13, igandea: 16:00-18:00
- Irailak 16, asteazkena: 18:00-19:30
Bazkideak 20 euro, ez bazkideak 25 euro eta haurrak 10 euroen truke izanen dute Etxalarko Asau egileen eskutik eskainiko den bazkaria.
Goizetik hasiko da egitaraua
Eguna bederatzietan hasiko da Agiñara joanen den mendi bueltarekin, arranotik abiatuta, oinez batzuk eta bizikletaz bertzeak, mendira igoko dira eta bertan gosaria eta ekitaldia izanen da 10:30ak aldera.
Ondotik, 13:00etan herrian poteoa izanen da Moltzoko Txarangak girotua eta 14:30ean, Etxalarko Asau egileen eskutik bazkaria. Bazkalondoan, bingo musikatua izanen da bertan eta 17:30ean Atzarbale Elektrotxaranga herrian barna.