Illekuetako bestetako egitaraua
Irailaren 19an, larunbatean, 12:00etan botako dute altxaferoa Konpaneko zubitik eta segidan erraldoiak eta buruhandiak ibiliko dira auzoan gaiteroekin. 13:00etan, berriz, herri kirol saioa eginen dute. Hori bukatzean, auzotarren arteko bazkaria izanen dute karrikan. Txartelak Auzoa ostatuan izanen dira salgai, irailaren 2tik 12ra. Bazkalondoan, 16:30ean haurrentzako jokoak izanen dituzte, zankoak, toka… Segidan, 18:00etan mus txapelketa izanen da Auzoan. 19:00etan Bera Kantarikoak ariko dira auzoan barna kantuan. 20:30ean zezensuzkoa izanen dute eta, borobiltzeko, dantzaldia izanen da 22:00etan DJ Perryrekin.
Irailaren 20an, igandean, izanen dute segida bestek 12:00etan Irigoitian eginen duten auzoko mezarekin. 12:30ean urezko zezenak izanen dira haurrentzat, Larun Haizpe elkartearen eta Konektomaren laguntzarekin. 16:00etan haurrentzako jokoak eginen dituzte eta 18:30ean Gure Txokoa Dantza Taldearen ikuskizuna izanen da.
Bestak borobiltzeko, 20:30ean pintxo dastaketa izanen da. Pintxoak eraman nahi dituztenek, 20:00ak baino lehen utzi beharko dituzte txosnan.