'Eder Txikia' liburuaren irakurketa dialogikoa eginen dute Lesakako Liburutegian irailaren 3an

Eder Txikia liburuaren irakurketa dialogikoa eskainiko dute Lesakako Liburutegian irailaren 3an, ortzeguna, 11:30ean, sei eta zortzi urte bitarteko haurrentzat. Irakurketara joan ahal izateko izena eman beharko da liburutegian eguna baino lehen eta pertsona heldu batekin joan beharko dira irakurketara apuntatutako umeak. Emozioak, adiskidetasuna eta elkartasuna landuko dira irailaren hirugarrenean maiatzaz geroztik eskaintzen ibili diren tailerrak borobiltzeko.