Euskadiko Herri Kirol Federazioak antolatutako Euskal Herriko Emakumezkoen Aizkolari Txapelketako finala jokatu zen larunbatean Berriozarren. Berako Nerea Sorondo Maritorena, iazko txapelduna, bertan izan zen eta meritu handiko hirugarren postua eskuratu zuen. Halere, lehiarik ikusgarriena bi lehenbizikoek eskaini zuten eta ia denbora berean, ezin estuago bukatu zuten lana Oihana Fernandez de Barrena txapeldunak (19.30.357) eta Nerea Arruti txapeldunordeak (19.30.36). Segundo ehunekoek erabaki zuten txapela eta Oihana Fernandez de Barrenak lehen aldiz lortu du Euskal Herriko txapeldun izatea.
Nerea Sorondok bi lehenbizikoek baino minutu eta 22 segundo gehiago behar izan zituen (20.52), baina lan ederra egin zuen eta kanporaketako arantzatxoa kendu zuen.
Hiru lehenbizikoetatik dezente gibelerago, laugarren izan zen Uxue Ansorregi (23.49), bosgarren Irati Astondoa (26.49) eta seigarren Lucia Orbe (28.01).