Egunotan eginen den Ultra Trail Mont Blanc (UTMB) lasterketa entzutetsuaren atariko, 15 kilometro luze eta 1.200 metroko desnibel positiboa duen ETC lasterketa egin zen abuztuaren 25ean Italiako Alpeetako Courmayeur hirian. Guztira, 1.336 kirolarik bukatu zuten proba eta guzi horien artean 155. izan zen Domusa Teknik Lana taldeko Ane Elzaurdia Mentaberri beratarra. Senior mailako emakumeen artean 28. postua eskuratu zuen. Ordubete, 58 minutu eta 34 segundo behar izan zituen proba burutzeko.
