Nafarroako lokotx biltze txapelketa bosgarrenez irabazi du Ainhoa Etxegarai beratarrak

Ttipi-Ttapa 2026ko abuztuaren 24a

Ainhoa Etxegarai beratarrak bosgarren aldiz irabazi du Nafarroako lokotx biltze txapelketa. Bigarren izan zen Sara Zapatarekin batera Euskal Herriko txapelketarako txartela lortu du eta Nerea Huarte izan da hirugarren.

Nafarroako emakumeen eta gizonezkoen lokotx biltze txapelketak jokatu zituzten abuztuaren 15ean Arantzan. Emakumezkoen artean, Berako Ainhoa Etxegaraik bere bosgarren txapela jantzi zuen eta Txantreako Sara Zapata bigarren izan zen. Biek lortu dute Euskal Herriko txapelketarako txartela. Gizonezkoen artean, berriz, Txantreako Aitor Blanco izan zen txapeldun eta Igantziko Luken Urtxegi bigarren. Hemen ere, biak izanen dira Euskal Herriko txapelketan.

Gizonezkoen artean, berriz, txapeldunorde izan zen Luken Urtxegi igantziarra abuztuaren 15ean Arantzan

Emakumezkoen artean, Berako Ainhoa Etxegaraik 7 minutu eta 38 segundo behar izan zituen 50 lokotxak biltzeko eta Sara Zapatak hamalau segundo gehiago (07.52). Elkarteko Nerea Huartek osatu zuen podiuma (08.05) eta Antsoaingo Leire Herrera laugarren izan zen (08.46).

Gizonezkoen artean, berriz, Aitor Blancok 6 minutu eta 57 segundo behar izan zituen txapela janzteko eta Luken Urtxegik hamabi segundo gehiago txapeldunorde izateko (07.09). Elkarteko Lur Gilek osatu zuen podiuma (07.13). Elkarteko Iosu Huarte laugarren izan zen (07.22), Berriozarko Aimar Martinez bosgarren (07.24), Igantziko Manex Sarasola seigarren (07.26), Beteluko Josu Elizalde zazpigarren (07.43) eta Berriozarko Asier Agirre zortzigarren (07.54).

Aitor Blanco txapeldun, Luken Urtxegi igantziarra txapeldunorde eta Lur Gil hirugarren.

Kirola Bortziriak Arantza Bera Igantzi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun