Julen Goia lesakarra laugarren izan da Espainiako xake azkarreko txapelketan

Espainiako xake azkarreko txapelketa jokatu zen abuztuaren 1ean eta 2an Torre Pachecon (Murtzian) eta bertan parte hartu du Julen Goia Mitxelena lesakarrak. Larunbat arratsaldean bortz txanda jokatu zituen (3 irabaziz eta bertze biak berdinduz) eta igande goizean bertze lau txanda (3 irabaziz eta azkenekoa galduz). Azkeneko txandan, hain zuzen, sub-10 kategorian munduko txapeldun den Marc Barceloren aurka jokatu zuen. Ondorioz, Julen Goiak laugarren egin du Espainiako xake azkarreko txapelketa honetan, 10 urtez beheitiko kategorian.