Berako neska bati egindako eraso sexista salatzeko kontzentrazioa deitu du Goldatzek abuztuaren 1ean

Joan den astean Nafarroako herri bateko bestetan eraso sexista pairatu zuen Berako neska batek. Berako Goldatz Emakume Taldeak, lehenik eta behin «bere babesa» adierazi nahi dio erasotuari eta bere inguru guziari, «zurekin gaude». Irmoki gaitzetsi nahi dute gertaturikoa eta Berako besten atarian gauden honetan, «argi dugu ez dugula inolako erasorik onartuko». Horregatik guziagatik, abuztuaren 1ean, larunbatean 20:00etan, kontzentrazioa eginen dute Mukixu zubian, «Erasoen aitzinean autodefentsa feminista!» goiburupean.