Herri bazkariko txartelak abuztuaren 8ra arte erosten ahal dira
Txupinazoaren ondotik hartuko dute saria. Eta horiek eta gainerako lanak bestetako lehenbiziko egunean gorapean paratuko dituzte ikusgai, 18:00etatik aitzinera.
Udalak eta besta batzordeak adierazi dutenez, herriko gaztetxoek «irudimenez eta kolorez bete dituzte euren marrazkiak» eta «lan ederrak» aurkeztu dituzte, «bestetako musika, dantza, kirol eta hainbat ekitalditan oinarrituta». Eta denei eskerrak eman nahi izan dizkiete.
Herri bazkarirako txartelak abuztuaren 8ra bitarte
Abuztuaren 13tik 16ra izanen dira Arantzako bestak. Arantzako Dantza Luzearen erakusleek botako dute aurten txupinazoa, aritutakoak eta gaur egun erakusten aritzen direnek. Gainerakoan, besten baitan, herri bazkaria lehenbiziko egunean izanen da eta bazkarirako txartelak herriko ostatuetan daude salgai, 40 eurotan. Erosteko hondarreko eguna abuztuaren 8a izanen da.
Bertzetik, egun horri begira, kamisetak atera ditu Gazte Asanbladak. Arantza Rock berriz ere martxan paratzen saiatu nahi dute gazteek eta eta horretarako atera dituzte kamisetak, haurrentzat eta helduentzat. Abuztuaren 13an jaunzteko deia egin diete herritarrei.