Asfaltatze lanak ortzegunean eta ortziralean egitea aurreikusten da, lana bestetarako egina uzteko. Mukixuko zubian eta Julio Caro Baroja-Eztegara bidegurutzean lanean aritzean, eragin handia izanen da ibilgailuen pasabidean, asfaltatze-lana eta trafikoa bateragarri egiteko.
Asfaltatze-lanaz arduratzen den enpresarekin lanean ari da Berako Udala, trafikoari guttien eragiten dion lan-sekuentzia aztertzeko eta, beharrezko balitz, desbideratze aukerak bilatzeko.
Segur aski, eragina handiagoa izanen da banaketa-kamioientzat eta bertze zerbitzu batzuentzat, eta, ziurrenik, auto-ilarak jasan beharko dituzte, asfaltatze-lanen arabera. Ahal duten neurrian, astelehenetik asteazkenera bitartean hornidura lanak aitzineratzea gomendatzen zaie, ortzegunean eta ortziralean izan daitezkeen auto-ilarak saihesteko.
Berako Udalak argitara eman duen oharrak dioenez, «sentitzen dugu egoera horrek eraginen dituen eragozpenak, lanen bilakaeran saihestezinak baitira, eta arazo gutxien eraginen dituen konponbidea bilatzen saiatuko gara, betiere asfaltatze lanaren baldintzen barrenean».